Mahaçkalanyň "Dinamo" futbol klubunyň öňki baş tälimçisi, häzirki wagtda bolsa prezidentiniň geňeşçisi Gurban Berdiýew Dagystan Respublikasynyň at gazanan tälimçisi boldy. Bu barada RIA Nowosti sebitiň ýolbaşçysynyň Metbugat gullugyna salgylanyp habar berýär.
Bu at Berdiýewe, şeýle hem klubuň häzirki baş tälimçisi Hasanbi Bijiýewe berildi.
Berdiýew 2023-nji ýylyň iýul aýynda mahaçkalanyň klubuna geldi. 2024-nji ýylyň fewralynda baş tälimçi wezipesinden aýrylyp, aprel aýynda klubuň prezidentiniň geňeşçisi boldy.
Geçen möwsümiň jemleri boýunça "Dinamo" (Mahaçkala) Russiýanyň premýer-ligasynda (RPL) çykyş etmäge hukuk gazandy. 1927-nji ýylda esaslandyrylan bu klub taryhynda ilkinji gezek ýokary diwizionda çykyş eder.
Mundan öň, Gurban Bekiýewiçiň Azerbaýjanyň Towuz şäherinden "Turan" klubuna ýolbaşçylyk etjekdigi barada habar beripdik. Klubuň wise-prezidenti Ali Balakişiýew türkmen hünärmeni bilen "2+1" shemasy boýunça şertnama baglaşyljakdygyny habar berdi.
«Gurban Bekiýewiç 21-nji iýunda Dagystandan Baku geler. Megerem, şol bada hem gol çekiler. Çünki eýýäm 24-nji iýunda Berdiýew ähli oýunçylary ýygnanyşyga çagyrdy. Ylalaşyk "2+1" shemasy boýunça baglaşylar" diýip, Balakişiýew habar berdi.
