Ýaponiýanyň önümi bolan täze «Toyota Coaster» kysymly orta synply, «Toyota Hiace» kysymly kiçi synply awtobuslaryň jemi 200 sanysy Balkan welaýatynyň ilatyna hyzmat edip başlady. Täze ulaglar şäherara we şäherýaka ugurlar, şeýle hem etrap merkezleridir şäherlerden dürli uzaklykda ýerleşýän obalar boýunça ýolagçylara hyzmat eder.
Prezident Serdar Berdimuhamedow ýakynda Balkan welaýatyna iş sapary wagtynda «Türkmenawtoulaglary» agentliginiň «Balkanawtoulag» önümçilik birleşigine 2023-nji ýylda öndürilen täze, döwrebap awtoulaglaryň 200-sini sowgat hökmünde gowşurdy.
Döwrebap awtoulaglaryň gelip gowuşmagy mynasybetli Balkanabat şäherindäki awtomenzilde aýdym-sazly dabara geçirildi.
