2024-nji ýylyň birinji çärýeginde Huawei-iň HarmonyOS operasion ulgamy Hytaýyň bazaryndaky paýy boýunça Apple-iň iOS-yndan öňe geçdi. Bu barada Gizmochina habar berýär.
Counterpoint Research barlag kompaniýasynyň maglumatlaryna görä, HarmonyOS Hytaýda iň köp ulanylýan ykjam operasion ulgamyna öwrüldi, onuň bazardaky paýy 17%-e ýetdi. Şol bir wagtyň özünde, iOS-yň paýy 20% -den 16% -e düşdi, bu 2019-njy ýylyň birinji çärýeginden bäri ilkinji pese gaçyşdyr.
HarmonyOS-yň ösüşi Apple-iň önümleri bilen gönüden-göni bäsleşýän 5G goldawly täze Huawei smartfonlarynyň çykmagy bilen baglanyşyklydyr. HarmonyOS-yň dünýädäki paýy hem, geçen ýyl bilen deňeşdirilende, iki esse artyp, 2024-nji ýylyň birinji çärýeginde 4%-e ýetdi.
Şol bir wagtyň özünde, geçen ýyl bilen deňeşdirilende, birneme peselendigine garamazdan, Android-iň dünýä bazaryndaky paýy 77%-ligine galdy. iOS-yň paýy hem 23%-den 19%-e çenli peseldi. Bu, Counterpoint-iň pikirine görä, iPhone-a bolan islegiň möwsümleýin üýtgemegi bilen baglanyşyklydyr.
