Tesla öz zawodlaryna gumanoid robotlary köpçülikleýin ornaşdyrmaga taýýarlanýar. 2025-nji ýyla çenli 1000-den gowrak Optimus gumanoid robotynyň elektrikli awtoulag önümçiliginde işe başlajakdygyny kompaniýanyň başlygy Ilon Maskyň beýanatyna salgylanýan Electrek neşiri habar berýär.
Telekeçiniň sözlerine görä, Tesla Optimus-yň özüne düşýän bahasy 10 000 dollar, ýöne ol 20 000 dollara satylar. Kompaniýa 2025-nji ýylda satylyp başlanmagy meýilleşdirilýän robotlardan milliardlarça dollar girdejä garaşýar. Ilki bilen B2B satuwy barada aýtsak, Tesla beýleki kompaniýalary önümçilikde işletmek üçin niýetlenen robotlar bilen üpjün eder.
Mask 2025-nji ýyla çenli dünýä bazarynda gumanoid robotlaryň sanynyň ýylda 1 milliard birlige ýetjekdigini çaklaýar. Tesla bazaryň 10 göterimini eýelemegi göz öňünde tutýar, bu bolsa kompaniýanyň bazar kapitalizasiýasyny 3 trillion dollara, geljekde bolsa 25-30 trillion dollara çenli ýokarlandyrmaga mümkinçilik berer.
