Siril Ramafosa GAR-yň Prezidenti wezipesine gaýtadan saýlandy. Ol Milli assambleýanyň täze düzüminiň birinji mejlisinde deputatlardan 283 ses aldy, bu hem onuň ýeňiş gazanmagyny üpjün etdi diýip, TASS habar berýär.
Ramafosanyň garşydaşy “Ykdysady azatlyk ugrunda söweşijiler” partiýasynyň lideri Julius Malema boldy. Ol 44 ses aldy.
“Afrikanyň milli kongresi” partiýasynyň lideri Ramafosanyň gaýtadan saýlanmagy GAR-yň ak azlygynyň bähbitlerine wekilçilik edýän öňki oppozision Demokratik birleşiginiň goldawy bilen mümkin boldy. Ondan öň, ählumumy saýlawlaryň netijesi boýunça, AMK özbaşdak hökümet döretmek we öz liderini GAR-yň Prezidenti wezipesine gaýtadan saýlamak üçin zerur bolan deputat ornuny alyp bilmändi.
Ramafosanyň kasam kabul ediş dabarasy 19-njy iýundan gijä galman geçiriler.
