Germaniýa Şotlandiýany 5:1 hasabynda ýeňip, öz ýerinde geçirilýän Ýewro-2024-e ynamly başlady.
Çempionatyň açylyş oýnunda nemes toparynyň düzüminde Florian Wirs (10), Jamal Musiala (19), Kaý Hawerts (45+1, pen.), Niklas Fýullkrug (68) we Emre Jan (90+3) tapawutlandy.
Birinji ýarymyň ahyrynda, hasap 2:0 wagtynda, oýnuň esasy emini Kleman Týurpen jerime meýdançasynyň çäginde Ilkaý Gýundogana garşy jerime edendigi üçin Şotlandiýanyň goragçysy Raýan Porteusa gyzyl duýduryş berdi. 11 metrlik jerime urgusyny Kaý Hawerts dürs ýerine ýetirdi.
Şotlandiýalylar ýeke-täk goly 87-nji minutda geçirdiler. Goly nemes ýygyndysynyň goragçysy Antonio Rýudiger öz derwezesine geçirdi.
Ýewropa çempionatlarynyň taryhynda ilkinji gezek ýaşy 22-ä ýetmedik iki oýunçy bir ýygyndy üçin bir duşuşykda gol geçirdiler. Nemes oýunçylary Jamal Musiala we Florian Wirs 21 ýaşlarynda.
