Iki gezek Olimpiýa çempiony Ariarne Titmus Brisbende geçirilen Olimpiadadan öňki ýaryşda 200 m aralyga erkin usulda ýüzmekde täze dünýä rekordyny goýdy. Ol bu aralygy 1 minut 52,23 sekuntda ýüzüp geçdi diýip, RIA Nowosti habar berýär.
Öňki rekord onuň watandaşy Molli O’Kallagana degişlidi, ol rekordy 2023-nji ýylyň iýul aýynda sportuň suw görnüşleri boýunça dünýä çempionatynda goýdy (1.52,85). Brisbende hem O’Kallagan bu ýüzüşde özüniň iň gowy netijesini has gowulandyryp, 1.52,48 wagty görkezdi, ýöne Titmusdan öňe geçip bilmedi.
23 ýaşly Titmus Tokioda geçirilen Olimpiýa oýunlarynyň iki gezek çempiony we dört gezek dünýä çempionydyr. Ol 400 m aralyga erkin usulda ýüzmekde-de dünýä rekordynyň eýesidir (3.55,38).
