Samsung kompaniýasy aýak hereketleriniň kömegi bilen smartfony dolandyrmaga mümkinçilik berýän Shortcut Sneaker atly özboluşly krossowkalary hödürledi. Bu barada IXBT habar berýär.
Krossowkalar döredijilik agenti Cheil Benelux, dakylýan elektronikany işläp düzüji Elitac Wearables, gollandiýaly kompaniýa Brut Amsterdam we krossowka dizaýneri Roel wan Hoff bilen hyzmatdaşlykda işlenip taýýarlandy.
Shortcut Sneaker aýakgap dabanynda aýaklaryň üýtgeşik hereketleri arkaly Samsung telefonynda belli bir hereketleri ýerine ýetirmäge mümkinçilik berýän hereket datçikleri bilen üpjün edilendir. Mysal üçin, bellibir sazlamadan soň, “Aý ýörişi” ejeňize jaň edip biler, çeçýotka tansy bolsa aýdymy aýtdyryp biler.
Ulanyjylar indiwidual hereketleriň kömegi bilen telefonda bäş dürli hereketiň ýerine ýetirilmegini sazlap bilerler.
Gynansak-da, Shortcut Sneaker diňe çäkli tiražda – bary-ýogy alty jübüt çykarylýar. Bu krossowkalar 2024-nji ýylyň 9-njy iýulyna çenli Niderlandlarda diňe Samsung Members programmasyny ulanyjylaryň arasynda ýeňijini saýlamak esasynda berler. Samsung ýeňijini iýulyň ikinji hepdesinde yglan eder.
