BMG-niň Bütindünýä ummanlar güni mynasybetli planeta üçin ummanyň ähmiýetine we ony goramagyň zerurlygyna bagyşlanyp, her ýyl geçirilýän 11-nji foto bäsleşiginiň ýeňijileri yglan edildi. Bäsleşik BMG-niň Hukuk meseleleri boýunça edarasynyň howandarlygynda geçirildi.
Bäsleşik DivePhotoGuide, Oceanic Global täjirçilik däl guramasy we beýleki hyzmatdaşlar bilen bilelikde geçirilýär.
Şu ýyl bäsleşikde dünýäniň dürli künjeginden 2500-den gowrak surat hödürlendi. Fotograflardan we daşky gurşawy goramak boýunça hünärmenlerden ybarat eminler bäş kategoriýada ýeňijileri saýladylar: “Täze çuňluklaryň oýanmagy”, “Suwasty deňiz peýzažlary”, “Kiçi ösüp barýan ada döwletleri”, “Uly we kiçi suwasty jandarlar”, “Suwüsti deňiz landşaftlary”.
Ýeňijilere gymmatly baýraklar we şahadatnamalar gowşurylar, olaryň işleri BMG-niň çärelerinde görkeziler.
Foto bäsleşigi BMG-niň umman meseleleri barada habardarlygy ýokarlandyrmak we adamlary olaryň çözülmegine gatnaşmaga ruhlandyrmak boýunça tagallalarynyň möhüm bölegidir.
