HotCars neşiriniň geçiren barlagyna görä, Toyota Camry 2014 (halk arasynda "palta Kemri" diýlip tanalýar) soňky on ýylda ýapon öndürijisiniň iň ygtybarly modeli boldy. Sanaw ygtybarlylyk görkezijilerini, seslenmeleriň sanyny, müşderileriň arz-şikaýatlaryny we barlaglary göz öňünde tutup, JD Power, NHTSA we cars.com-yň maglumatlaryna esaslanýar.
Camry JD Power-iň ygtybarlylyk sütüninde 100-den 88 bal aldy. Ikinji orny 87/100 bal bilen Toyota Venza 2014 maşgala krossoweri, üçünji orny bolsa ykjam Toyota C-HR (85/100) şäher krossoweri eýeledi.
HotCars tehniki hyzmatyň çykdajylaryny, geçen iň ýokary aralygyny, seslenmeleriň sanyny we NHTSA-nyň barlaglaryny göz öňünde tutdy.
Adatça, Toyota dünýäde iň ygtybarly awtoulag öndürijileriň biri hasaplanýar. Soňky iki onýyllygyň dowamynda kompaniýa bu görkeziji boýunça öňdebaryjy orny eýeleýär.
Soňky onýyllygyň iň ygtybarly Toyota awtoulaglary:
- Toyota Camry 2014;
- Toyota Venza 2014;
- Toyota C-HR 2020;
- Toyota Corolla 2016;
- Toyota RAV4 2018;
- Toyota Avalon 2018;
- Toyota Prius 2017;
- Toyota Tacoma 2022;
- Toyota Tundra 2021;
- Toyota Sienna 2016.
