Gurakçylyk oba hojalygynyň ekinlere uly zyýan ýetirýän esasy duşmanlaryndan biridir. Tomsk döwlet uniwersitetiniň Biologiýa institutynyň (TGU) we Belarusyň Milli Ylymlar akademiýasynyň Bioorganiki himiýa institutynyň alymlary galla ekinlerini suw ýetmezçiligi sebäpli ýüze çykýan sarsgynlardan goramagyň geljegi uly usulyny tapdylar.
Barlagçylar ösümlikleriň guraklyga garşy durnuklylygyny ýokarlandyrjak gural hökmünde tebigy fitogormonlary - brassinosteroidleri ulanýarlar. Arpa tohumlaryny brassinosteroidler bilen öňünden işläp bejermek gurakçylyk şertlerinde ösümligiň biomassasyny gorap saklamaga we ösümlikleri sarsgyndan goraýan antioksidant fermentleriň işjeňligini ep-esli ýokarlandyrmaga mümkinçilik berdi.
Bu usulyň birnäçe artykmaçlygy bar:
Daşky gurşawa zyýansyz: brassinosteroidler tebigy ösümlik gormonlaryna meňzeýär we daşky gurşawa zyýan bermeýär.
Tygşytly: tohumy işläp bejermeklige, ösümlikleri suwarmaklyga ýa-da olara derman pürkmeklige garanda, has az gormon erginini talap edýär.
Netijeli: teklip edilýän usul gurakçylyk şertlerinde-de hasyly saklap galmaga mümkinçilik berýär.
Barlagçylaryň işiniň netijeleri Plants (Q1) žurnalynda çap edildi.
