Dongfeng Nissan bilelikdäki kärhanasy diňe Hytaýyň bazaryna çykjak täze Nissan Pathfinder-i hödürledi. Awtoulag üç bezeg derejesinde hödürlenýär we öňkülerinden diňe 6 orunlyk salony we tigirleri doly hereketli däldigi bilen tapawutlanýar diýip, Autohome ýazýar.
Täze Pathfinder 252 at güýjüni öndürýän 2,0 litrlik turbo hereketlendirijisi we 9 tizlikli ZF awtomatiki geçiriş bilen enjamlaşdyrylandyr. Awtoulagyň ölçegleri 5130 x 1981 x 1767 mm, tigir bazasy - 2900 mm.
Enjamlaryna iki sany uly ekran, Nissan Connect Super Intelligent Connection 2.0 ykjam enjam birikdirme ulgamy, sürüjilere kömegiň dürli ulgamlary, üç zolakly howa gözegçiligi, ýükdanyň elektrikli gapagy, işjeň ses peseltmek ulgamy, deri salony we beýleki opsiýalary girýär.
Hytaýda täze Pathfinder-iň bahasy 33,5 müň dollardan başlaýar, ýöne ilkinji alyjylar bu ulagy 30,2 müň dollara satyn alyp bilerler.
