Apple kompaniýasynyň bazar bahasy 3,33 trln dollara ýetdi, bu hem ony dünýäniň iň gymmat kompaniýasyna öwürdi. Ol Microsoft korporasiýasyndan öňe geçdi. Kompaniýanyň paýnamalary her ýyl geçirilýän WWDC konferensiýasyndan soň gymmatlady. Tanyşdyrylyşda kupertinoly kompaniýa emeli aňyň esasynda birnäçe täze funksiýalary hödürledi, şeýle-de OpenAI bilen hyzmatdaşlygy yglan etdi.
Microsoft-yň bazar bahasy habar ýazylan wagty 3,26 trln dollara barabardy. Iň gymmat kompaniýalaryň sanawynda üçünji orny 3,09 trln dollar bilen Nvidia eýeleýär.
Öň, Microsoft, Nvidia we Apple kompaniýalarynyň 2000-nji ýyldan bäri ilkinji gezek S&P 500 indeksiniň bahasynyň 20%-den gowragyny emele getirýändigi habar berildi. Bu üç paýnamanyň indeksi düzýän beýleki ýüzlerçe kompaniýadan has gymmatdygyny aňladýar.
Maýadarlar bazardaky şeýle baha konsentrasiýasy babatda howatyrlanýarlar. Fairlead Strategies-iň esaslandyryjysy Keti Stokton üç kompaniýanyň güýçlenmegi beýleki pudaklaryň gowşakdygyny görkezýär diýip hasaplaýar.
