Nokia 3D ses arkaly "has täsirli" effekti döredýän "çuňňur ses we wideo" tehnologiýasyny ulanyp, dünýäde ilkinji telefon jaňyny amala aşyrdy. Täze tehnologiýanyň mümkinçiligini kompaniýanyň başlygy Pekka Lundmark Finlýandiýada sanlylaşdyrma we täze tehnologiýalar bölüminiň ýolbaşçysy Stefan Lindstrýome eden jaňynda görkezdi.
Täze tehnologiýa giňişleýin ses döretmek üçin häzirki zaman smartfonlarynyň köpüsinde bar bolan birnäçe mikrofony ulanýar.
“Çuňňur ses we wideo” tehnologiýasy ýörite enjamlary talap etmeýär. Adaty 5G öýjükli ulgamlarda işleýär we geljekki 5G Advanced standartynyň bir bölegidir.
Sesi smartfonlara, planşetlere ýa-da kompýuterlere ýetirýän IVAS (Immersive Voice and Audio Services) kodegi çipsetleri, smartfonlary öndürijiler we öýjükli aragatnaşygyň prowaýderleri tarapyndan ygtyýarnama alyp biler.
Nokia bu tehnologiýany telefon gepleşikleriniň geljegi hökmünde görýär.
