Uill Smitiň we Martin Lourensiň baş keşbi janlandyran “Ýaramaz ýigitler: güm bol ýa-da öl” (“Плохие парни: Катись или умри”) atly täze komediýa boýewigi prokatda ilkinji hepdesiniň ahyrynda 105 million dollar girdeji gazanyp, dünýä prokatynda açyldy. Munuň filmiň 100 mln dollarlyk önümçilik býudjetinden has köpdür.
Film Demirgazyk Amerikada 56 million dollar we halkara sebitlerde 48,6 million dollar gazandy diýip, Variety ýazýar.
Franşizanyň dördünji bölüminde Maýami polisiýasynyň işgärleriniň özleri hem häkimiýetden we mekir jenaýatçylardan gizlenmäge mejbur bolýarlar.
Filmiň režissýorlary “Hemişelik ýaramaz ýigitler” bölümi bilen tanalýan Adil El Arbi we Bilal Fallahdyr.
“Ýaramaz ýigitler” franşizasynyň birinji bölümi 1995-nji ýylda çykdy. Öňki üç filmde franşiza dünýäde 839 million dollar girdeji gazandy.
