10-njy iýunda Apple-iň işläp düzüjiler üçin esasy tomusky konferensiýasy – Worldwide Developers Conference (WWDC) başlady. Onda kompaniýa iPhone üçin iş stolunyň sazlanmagyna we programmalaryň işine möhüm üýtgeşmeleri girizýän operasion sistemanyň täze täzelenmesini – iOS 18-i hödürledi. Bu barada MacRumors habar berýär.
iOS 18-de ulanyjylar, Android-de bolşy ýaly, “Baş ekran” boýunça programma nyşanlarynyň ýerini üýtgetmek, şeýle-de olaryň reňkini üýtgetmek we garaňky režimi işjeňleşdirmek mümkinçiligini aldylar.
Dolandyryş merkezi gaýtadan işlenen dizaýny hem-de täze galereýa we işläp düzüjileriň gurallary ýaly özleşdirmegiň giň mümkinçiliklerini aldy.
Şeýle-de, iOS 18-de Face ID arkaly programmalary blokirlemek mümkinçiligi, programmalary goragly bukjalarda gizlemek we gulplama ekranynda düwmeleri üýtgetmek mümkinçiligi amal edildi.
“Habarlar” programmasynda habarlara smaýlikleriň kömegi bilen jogap bermek, habarlary ibermegi meýilleşdirmek, teksti formatirlemek we täze tekst effektleri ýaly täze funksiýalar peýda boldy.
Mundan başga-da, iOS 18 hemra üsti bilen habarlary ibermegi öwrendi.
“Foto” we “Kartalar” programmalary-da üýtgeşmelere sezewar boldy.
iOS 18-iň ilkinji beta-wersiýasy işläp düzüjiler üçin eýýäm elýeterli, köpçülik üçin beta-wersiýa soňrak peýda bolar, resmi reliz güýzde bolar.
