Robot Era kompaniýasynyň XBot-L gumanoid roboty Beýik Hytaý diwaryna çykdy we muny amala aşyran ilkinji gumanoid boldy diýip, Hi-Tech ýazýar.
XBot-L-de Unitree-iň H1 robotynyň tizligi ýa-da Boston Dynamics Atlas-yň çeýeligi bolmasa-da, ol diwaryň nätekiz üstünden ynamly hereket edip, basgançaklara çykyp, hatda garawul diňleriniň deňinde birnäçe taý-çi hereketini-de ýerine ýetirip bilýär.
Ýagtylygyň ýoklugy beýleki botlary “aljyradýanam” bolsa, XBot-L munuň hötdesinden geldi.
XBot-L-iň üstünlik gazanmagynyň syry Robot Era tarapyndan işlenip düzülen berkidiji okuwynda (RL) gizlenýär. Bu tehnologiýada ulanylýan Perceptive RL algoritmleri robota daş-töweregine “düşünmäge” we ýeriň üstüniň relýefine baglylykda ýöreýşini sazlap, şol wagtda çözgüt tapmaga mümkinçilik berýär.
Robot Era kompaniýasy senagat, lukmançylyk, oba hojalygy we ş.m. ýaly dürli pudaklarda robot ulgamlaryny ösdürmäge we öndürmäge ýöriteleşendir.
