Innovative Eyewear ChatGPT çat-botuna çatylan Eddi Bauer akylly äýnekleriniň täze toplumyny çykardy. Dört modelde (Horizon, Navigator, Velocity we Explorer) çykarylan äýnek iki mikrofon we dört dinamik bilen üpjün edilendir, bu bolsa ulanyjylara ses kömekçilerini (Siri we ChatGPT) işjeňleşdirmäge we soraglara jogap almaga mümkinçilik berýär.
ChatGPT-i işjeňleşdirmek üçin “Lýusid” diýen buýrugy aýtmak ýeterlik. Şondan soň AI kömekçisi haýyşlary ýerine ýetirmäge taýyn bolar. Äýnek hat taýýarlamaga, tekstleri gysgaltmaga ýa-da terjime etmäge kömek edip biler.
Eddi Bauer äýnegi ChatGPT goldawyndan başga-da, beýleki birnäçe aýratynlyklary hödürleýär:
- Jaňlary kabul etmek;
- Saz goýbermek;
- Smartfondaky programmalary dolandyrmak;
- Duýgur dolandyryş;
- Batareýasy 12 sagada çenli işläp bilýär.
Eddie Bauer toplumy iPhone-a gowy çatylýar (ýakyn wagtda Android bilen çatyp bolýan görnüşi hem çykar”). Äýnegi 30 metre çenli aralykdan Bluetooth 5.2 arkaly smartfona birikdirip bolýar. Topluma zarýad beriji dok-stansiýa hem girýär.
Eddi Bauer äýneginiň reseptursyz modeliniň bahasy 229 dollardan, resepturly modeliniňki 249 dollardan başlaýar. Olary resmi Lýusid web sahypasyndan satyn alyp bolar.
