Awstraliýaly alymlar adaty äýneklere oturdyp boljak örän ýeňil gijeki görüş linzalaryny işläp taýýarladylar. Bu oýlap tapyş uly we gymmat garnituralary ýa-da linzalara dakylýan predmetleri ulanmak zerurlygyny aradan aýryp, gijeki görüşi has köp adamlar üçin elýeterli edip biler.
Täze tehnologiýa agramy bir gramdan az bolan we islendik çarçuwa aňsatlyk bilen birleşdirilip bilinýän inçejik plýonkany ulanýar. Ol göze görünmeýän infragyzyl ýagtylygy göze görünýäne öwürmek arkaly işläp, adama garaňkyda görmäge mümkinçilik berýär.
Adaty gijeki görüş enjamlaryndan tapawutlylykda, bu tehnologiýa kriogen sowadyşy talap etmeýär, bu hem onuň ulanylyşyny has ykjam we amatly edýär.
Mundan başga-da, ol göze görünýän bilen infragyzyl ýagtylygy bir umumy şekile birleşdirip, garaňkyda bolup geçýän zatlar barada has realistik we aýdyň düşünje berip biler.
Işläp taýýarlama barada makala abraýly “Advanced Materials” ylmy žurnalynda çap edildi.
Häzirki wagtda alymlar tolkun uzynlyklarynyň diapazonyny giňeltmek bilen tehnologiýany kämilleşdirmegi dowam etdirýärler.
