Gurbanguly Berdimuhamedow Arkadag şäheriniň lukmançylyk klasteriniň taslamalary bilen tanyşdy

  • 09.06.2024 23:27
  • 17k+

8-nji iýunda türkmen halkynyň Milli Lideri, Türkmenistanyň Halk Maslahatynyň Başlygy, Hormatly il ýaşulusy Gurbanguly Berdimuhamedow Arkadag şäherine iş saparyny amala aşyryp, bu ýerde önümçilik kuwwatlyklarynyň gurluşygy bilen baglanyşykly meseleler bilen tanyşdy.

Saparynyň çäklerinde Gurbanguly Berdimuhamedow Arkadag şäheriniň merkezi künjeginde taýýarlanylan taslamalar bilen tanyşdy. Täze şäheriň lukmançylyk klasterine degişli önümçilik desgalarynda öndürilmegi meýilleşdirilýän lukmançylyk serişdeleriniň, saglygy goraýyş enjamlarynyň görnüşleri, olary taýýarlamakda ulanylmagy meýilleşdirilýän ýerli çig mallar barada Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy D.Orazow hasabat berdi.
Görkezilýän şekil taslamalaryň hatarynda lukmançylyk serişdeleriniň görnüşleri, ýokary ekologiýa talaplaryna laýyk gelýän pamyklar, saglygy goraýyş ulgamynda giňden ulanylýan dokalmadyk matadan taýýarlanan bir gezeklik agyz-burun örtükleri, başgaplar, halatlar, ýorgan-düşek daşlyklary, aýakgap örtükleri, hassahanalar üçin zerur bolan dürli enjamlaryň görnüşleri bar.
Şeýle hem bu ýerde ýurdumyzyň Saglygy goraýyş we derman senagaty ministrligine, şol sanda Arkadag şäheriniň lukmançylyk edaralaryna zerur bolan saglygy goraýyş enjamlarynyň we serişdeleriň her ýylda zerur hasaplanylýan möçberleri baradaky maglumatlara degişli çyzgylar görkezildi.
Gurbanguly Berdimuhamedow täze şäheriň gurluşygynyň ikinji tapgyrynda meýilleşdirilen önümçilik toplumlarynda öndüriljek serişdeleriň ýokary halkara görkezijilerine we häzirki zamanyň ekologiýa talaplaryna doly laýyk gelmelidigini belledi. Munuň üçin bolsa döwrebap usullaryň, täzeçil tehnologiýalaryň ulanylmagy, dünýäniň ösen tejribesiniň özleşdirilmegi wajypdyr. Şunuň bilen baglylykda, bu ugurda halkara hyzmatdaşlygynyň ýola goýulmagy ýerine ýetirilýän işleriň döwrebap bolmagynda ähmiýetlidir.
Bellenilişi ýaly, Prezident Serdar Berdimuhamedowyň tabşyrygyna laýyklykda, ýurdumyzyň wekilçilikli toparynyň agzalary Ýewropanyň birnäçe ýurtlarynda, Türkiýe Respublikasynda we Hytaý Halk Respublikasynda iş saparynda bolup, Arkadag şäherinde gurulmagy meýilleşdirilýän önümçilik desgalarynyň, aýratyn-da, saglygy goraýyş ulgamyna degişli kärhanalaryň gurluşygy boýunça tejribe alyşdylar hem-de bu ugurda häzirki döwrüň iň kämil tejribesini içgin öwrendiler.
Türkmen halkynyň Milli Lideri ähli ugurlarda bolşy ýaly, saglygy goraýyş ulgamynda daşary ýurtly hyzmatdaşlar bilen geňeşmeleriň geçirilmeginiň, olaryň dowamynda ýurdumyzyň çäginde bar bolan çig mallaryň ekologiýa we ýaramlylyk derejesi, ýokary ekologiýa talaplaryna laýyk gelýän suw çeşmelerini önümçilik maksady bilen ulanmagyň mümkinçilikleri boýunça pikir alyşmalaryň guralmagynyň wajypdygyna ünsi çekdi. Munuň özi Arkadag şäherinde döredilýän lukmançylyk klasteriniň önümçilik toplumlarynyň işiniň netijeli häsiýete eýe bolmagyny üpjün eder.

Türkmenistanyň Halk Maslahatynyň Başlygy täze şäheriň önümçilik düzümlerinde taýýarlanjak serişdeleriň we enjamlaryň hil derejesine, olaryň ekologiýa ýagdaýyna möhüm ähmiýet berilmelidigini, bu ugurda dünýäniň öňdebaryjy usullarynyň netijeli ulanylmalydygyny belledi we bu babatda degişli ýolbaşçylara birnäçe anyk görkezmeleri berdi.


13.09.2025 17:43
11k+

Türkmenistan "Gudrat" we "Jahan" gämileri üçin ätiýaçlyk şaýlaryny satyn almak boýunça bäsleşik yglan etdi

Türkmenistanyň Deňiz we derýa ulaglary döwlet gullugy «JAHAN» buksir gämisinde düýpli bejeriş işlerini geçirmek we zerur ätiýaçlyk şaýlaryny hem-de enjamlary satyn almak boýunça, şeýle hem «Gudrat» gämisine degişli ätiýaçlyk şaýlaryny we enjamlaryny satyn almak boýunça halkara açyk bäsleşik yglan etdi...

13.09.2025 16:55
4.8k+

Aşgabatda «Jahan» döredijilik merkeziniň gurluşyk işlerini boýunça bäsleşik yglan edildi

Türkmenistanyň Gurluşyk we binagärlik ministrligi Aşgabat şäher häkimliginiň «Jahan» döredijilik merkezinde tehniki tabşyryga laýyklykda gurluşyk işlerini ýerine ýetirmek üçin kotirowka görnüşde bäsleşik yglan edýär...

13.09.2025 16:31
3.5k+

TIF 2025: John Deere - baş hemaýatkär, Daewoo E&C — premýer-hyzmatdaş boldy

“John Deere” amerikan korporasiýasy Türkmenistanyň maýa goýum forumy – 2025-iň baş hemaýatkäri, Günorta Koreýanyň Daewoo Engineering & Construction (Daewoo E&C) kompaniýasy bolsa premýer hyzmatdaşy boldy. 1837-nji ýylda döredilen John Deere, oba hojalyk, gurluşyk we tokaý tehnikalaryny öndürmekde dünýäde öňdebaryjy kompaniýalaryň biridir...

13.09.2025 16:22
1.3k+

Türkmenistanyň wekiliýeti Wenada ÝHHG-niň Hemişelik Geňeşiniň mejlisinde garaýyşlaryny beýan etdi

11-nji sentýabrda Wena şäherinde Ýewropada Howpsuzlyk we Hyzmatdaşlyk Guramasynyň (ÝHHG) Hemişelik Geňeşiniň mejlisi geçirildi. Mejlisiň işine Türkmenistanyň wekiliýeti hem gatnaşdy. Türkmenistanyň DIM-niň habar bermegine görä, ara alyp maslahatlaşma ÝHHG-niň Parlament Assambleýasynyň Prezidenti jenap Pere Žoan Pons Sampýetro tarapyndan Hemişelik Geňeşe ýetiren hasabatyň çäklerinde geçirildi...