Türkmenistanyň Bilim ministrligi 2024-2025-nji okuw ýyly üçin Rumyniýanyň ýokary okuw mekdeplerine ýokary hünär bilimi (bakalawr we magistr) maksatnamalary boýunça we Hytaý Halk Respublikasynyň ýokary okuw mekdeplerine ýokary hünär bilimi (bakalawr) maksatnamalary boýunça dalaşgärleriň resminamalaryny kabul etmegiň möhletini uzaltdy.
Täze tertibe laýyklykda, resminamalar 2024-nji ýylyň 10-njy iýunyna çenli kabul ediler.
Ýokary okuw mekdeplerine umumy orta, orta hünär we ýokary hünär bilimli Türkmenistanyň raýatlarynyň resminamalary Magtymguly adyndaky Türkmen döwlet uniwersitetinde kabul edilýär.
Hünärleriň sanawy, şeýle hem okuwyň şertleri baradaky maglumatlary Magtymguly adyndaky TDU-nyň resmi saýtyndan alyp bolar.
