Ford Tesla-nyň we Apple-iň öňki inženerleriniň kömegi bilen elýeterli elektrik ulagyny döredýär

  • 07.06.2024 11:55
  • 3.4k+

Bäsleşmek maksady bilen Ford Motor elektrik ulaglary pudagynyň öňdebaryjy inženerlerinden, şol sanda Tesla-nyň we Apple-iň öňki işgärlerinden ybarat topar jemledi. Kompaniýa has elýeterli elektrik ulaglaryny öndürmek üçin täze platforma döretmegi maksat edinýär diýip, IXBT habar berýär.

Awtoulag öndüriji Hytaýyň BYD awtoulag ägirdi we bu pudagyň beýleki öňdebaryjylary bilen baha we öndürijilik babatda çynlakaý bäsdeşlik etmek isleýär. Ford-uň baş direktory Jim Farli täze elektrik ulaglarynyň diňe bir girdejili bolman, eýsem amerikalylaryň köpüsi üçin elýeterli hem boljakdygyna ynanýar. Ford  elýeterli elektrik ulaglaryny öndürmekde Hytaýyň tejribesini ulanýar we ony amerikan bazaryna uýgunlaşdyrýar diýip, ol nygtady.
Täze platforma başga hili himiki düzümli, has kiçi ölçegli arzan batareýalary ulanar, bu bolsa çykdajylary ep-esli tygşytlamaga mümkinçilik berer. Ford agzalan täze batareýalary işläp taýýarlamak üçin eýýäm batareýa öndürmekde  dünýäniň öňdebaryjysy CATL bilen hyzmatdaşlyk edýär.
Ford-uň has elýeterli modellere ünsi jemlemek maksady bilen, iri gabaraly, üç hatarly elektrik ulagyny çykarmagy soňa goýandygyny bellemelidiris.
Ozal Ford Motor Company sürüjilere ýoldan gözlerini sowmaga we ellerini destden aýyrmaga mümkinçilik berjek üçünji derejeli awtopiloty iki ýylyň içinde goýbermek meýilnamasynyň bardygyny yglan edipdi.


24.08.2025 17:54
6.3k+

Ford Explorer-yň täze wersiýasy 1720 dollar arzan çykdy

Ford 2026-njy ýylyň modeli üçin täze Active Base atly başlangyç wersiýany hödürläp, Explorer ulaglarynyň hataryny giňeltdi. Ol krossoweriň iň amatly bahaly görnüşi bolup, 38 330 dollardan satuwa çykarylar. Bu bolsa 2025-nji ýylyň Active komplektasiýasyndan 1 720 dollar arzan...

22.08.2025 13:20
3.6k+

Ford awtomobilleri yzyna çagyrmagyň sany boýunça antirekord goýdy

Amerikan awtoöndürijisi Ford dokuz aýda Demirgazyk Amerikanyň bazarynda ulaglary yzyna çagyryş boýunça 104 kampaniýa geçirdi. Bu görkeziji bäsdeşleriň arasynda iň ýokarysy boldy. Deňeşdirmek üçin, FCA konserni bu döwürde 21 gezek ulaglary yzyna gaýtardy, FCA, Volkswagen, GM, Mercedes, Honda we Hyundai öndürijileriniň umumy görkezijisi bolsa 77 kampaniýa boldy...

21.08.2025 16:09
2.5k+

Ford Transit 2000 at güýji bilen Nýurburgringde iň tiz furgon boldy

Ford kompaniýasy Nýurburgring ýolunda täze rekord goýlandygyny habar berdi. Kuwwaty 2000 at güýjüne barabar bolan Ford Transit SuperVan 4.2 elektrik furgony 20,8 kilometr uzynlykdaky aýlawy 6 minut 48,393 sekuntda geçdi...

20.08.2025 14:18
7.7k+

Ford satyn alyp bolmaýan, ýöne ýygnap bolýan üýtgeşik Bronco ulaglaryny çykardy

Ford kompaniýasy iki sany ýörite taslamasynyň –  Bronco Silver Lake Dunes Project Vehicle we Bronco Sport Silver Lake Dunes Project Vehicle wersiýalarynyň çykmagy bilen Bronco modeliniň 60 ýyllygyny belledi. Olar Miçigan ştatynyň çägeli aňňatlaryna bagyşlandy we awtomobilleri şahsylaşdyrmagyň mümkinçiliklerini görkezýär...