Dünýäde iň gadymy we iň abraýly awtoulag çäreleriniň biri bolan Ženewa awtoulag sergisi öz işini bes edýär. Bu barada serginiň guramaçylary mälim etdiler diýip, IXBT habar berdi.
1905-nji ýyldan bäri her ýyl geçirilip gelinýän bu sergi "awtoulag pudagyndaky düşnüksiz ýagdaýlar, Ýewropada şular ýaly iri çärelere bolan gyzyklanmanyň peselmegi we beýleki sergi meýdançalarynyň bäsdeşliginiň güýçlenmegi sebäpli" ýapyldy diýip habarda aýdylýar.
2024-nji ýylda Ženewa awtoulag sergisine Ýewropanyň diňe iki sany esasy awtoulag brendi (Renault we Dacia) gatnaşdy, Ýaponiýanyň we Ýewropanyň beýleki iri öndürijileri bolsa oňa gatnaşmadylar.
Şeýle hem serginiň guramaçylary serginiň ýatyrylmagynyň sebäbi "senagat üçin şertleriň kyn mahalynda awtoulag öndürijilerde gyzyklanmanyň bolmazlygy, şeýle-de ýerli senagatyna goldaw berýän Mýunhen we Pariž awtoulag sergileriniň bäsdeşligi" bilen bagly diýip bellediler.
