Köpden bäri garaşylýan iOS 18 funksiýalary iPhone-laryň aglabasynda işlemez

  • 05.06.2024 15:14
  • 7.9k+

Apple 10-njy iýunda WWDC 2024-de iOS 18-i hödürlär. Ýöne insaýderleriň maglumatlaryna görä, onuň käbir AI funksiýalary diňe soňky çykan enjamlarda elýeterli bolar.

Neýroulgamlaryna we maşyn öwrenişine esaslanýan funksiýalar diňe iPhone 15 Pro, iPad Pro we M-seriýaly çipleri bolan Mac kompýuterlerinde işlejekdigini Bloomberg-iň analitigi Mark Gurman habar berdi.
Bu diýildigi, iPhone 15, iPad modelleriniň we M - seriýaly çipleri bolan käbir köne enjamlaryň iOS 18-iň mümkinçiliklerinden doly peýdalanyp bilmejekdigini aňladýar.
Täze AI funksiýalaryny aljak enjamlaryň sanawy:

  • iPhone 15 Pro, iPhone 15 Pro Max we ondan soňky modeller;
  • iPad Air M1 (2022) we ondan soňky modeller;
  • iPad Pro M1 (2021) we ondan soňky modeller;
  • MacBook Air M1 (2020) we ondan soňky modeller;
  • MacBook Pro M1 (sensor panelli we panelsiz) we ondan soňky modeller;
  • M2 çipleri bolan Mac Pro;
  • Mac mini M1 (2020) we ondan soňky modeller;
  • Mac Studio (ähli modelleri);
  • iMac M1 / ​​M3 we soňraky modeller.

Täze funksiýalar, hatda iPhone 15, 15 Plus we ähli esasy iPad we iPad mini modelleri üçinem elýeterli bolmaz. M1 çipleri bolan kompýuterler we planşetler AI funksiýalaryny 50% ähtimallyk bilen kabul edip bilerler, sebäbi bu enjamlara eýýäm 2-3 ýyl boldy.


düýn 11:28
1.2k+

OpenAI öz emeli aňy oturdylan enjamlarynyň ilkinji nusgalaryny döretdi

OpenAI kompaniýasy özüniň emeli aň bilen işleýän enjamlarynyň ilkinji prototiplerini taýýarlady. Bu barada kompaniýanyň baş direktory Sem Altman Apple-iň öňki baş dizaýneri Joni Aýw we Apple-iň merhum baş direktory Stiw Jobsuň aýaly Loren Pauell Jobs bilen söhbetdeşlikde mälim etdi diýip, CNBC habar berýär...

düýn 11:03
2.2k+

Apple-iň döredilmegi baradaky hakyky şertnama auksionda satylar, ol $4 mln diýlip bahalandyrylýar

1976-njy ýylda Apple Computer Company kompaniýasynyň döredilmegine getiren hakyky esaslandyryjy şertnama auksiona çykarylar. Resminama 4 mln dollar töweregi mukdara satylar diýlip garaşylýar. Christie's auksion öýi ony 2026-njy ýylyň 23-nji ýanwarynda satuwa çykarar...

27.11.2025 11:04
3.5k+

Internete arzan iPhone 17e-niň häsiýetnamasy ýaýradyldy: kesiksiz, Dynamic Island-ly

2026-njy ýylyň ýazynda 17-nji hataryň iň arzan aýfony bolan iPhone 17e-niň çykmagyna garaşylýar. Pudagyň seljerijisi Jeff Pu eýýäm smartfonyň nähili boljakdygyny anyklady. Onuň sözlerine görä, täzelenme düýpli bolar...

23.11.2025 20:58
4.5k+

iPhone Air-iň baş dizaýneri Apple-den gitdi

Senagat dizaýneri Abidur Çoudhuri Apple kompaniýasyndan gitdi. Ol kompaniýanyň iň soňky modelleriniň biri bolan iPhone Air-iň esasy işläp düzüjisi bolupdy diýip, 9to5mac çeşmelerine salgylanyp habar berýär. Habar beriş serişdeleriniň maglumatlaryna görä, Çoudhuri emeli aň tehnologiýalarynyň üstünde işleýän bir startapa (ýa-da başlangyja) işe girdi...