Kembrij uniwersitetiniň alymlary sag eliň gyrasyna birikdirilen we bir el bilen zatlary dolandyrmaga mümkinçilik berýän “Üçünji uly barmak” protezini döretdiler, diýip Hightech neşiri Science portalyna salgylanyp habar berýär.
Protez aýaklaryň uly barmaklarynyň aşagynda ýerleşýän basyş datçikleri bilen dolandyrylýar we predmetleri almaga, çüýşeleri açmaga, kartlary tertiplemäge we hatda bananyň gabygyny aýyrmaga mümkinçilik berýär.
Synag wagtynda, meýletinçiler enjamy çalt özleşdirdiler, dürli ýumuşlary, şol sanda ownuk zatlary manipulirlemegi başardylar. Gatnaşanlaryň 99,3% tabşyryklary birnäçe synanyşykdan soň ýerine ýetirdiler we 98% ilkinji minutda protezleri özleşdirdi.
Işläp düzüjiler “Üçünji uly barmagyň” erkekler, aýallar, çagalar we garrylar tarapyndan ulanylyp bilinjekdigini bellediler. Häzirki wagtda topar doly işleýän protez döretmäge synanyşyp, tehnologiýany kämilleşdirmäge dowam edýär.
