Senegalda repçi Eýkonyň futuristik şäher taslamasy ýatyryldy

  • 07.07.2025 11:08
  • 13k+

Senegalda Akon City futuristik şäheriň gurluşygy resmi taýdan ýatyryldy.  Munuň sebäbiniň maliýe ýetmezçiligi we gurluşyk işleriniň togtadylmagy bilen baglanyşyklydygyny ýerli wezipeli adamlaryň sözlerine salgylanýan Bi-bi-si habar berýär.

Muňa garamazdan, Senegalyň hökümeti taslamanyň inisiatory repçi Eýkon bilen kenarýaka Mbodýen obasynyň golaýynda ýerleşýän şol bir ýerdäki täze, has realistik taslama boýunça hyzmatdaşlygy dowam etdirýärler.
Eýkon ABŞ-da doguldy, ýöne asly senegally bolup, çagalygynyň bir bölegini öz ýurdunda geçirdi. Ol 2018-nji ýylda Akon City taslamasyny hödürledi. Şäher tutuşlygyna üsti ýetirilip durulýan energiýa bilen işlemelidi we AKoin kriptowalýutasy walýuta hökmünde ulanylmalydy. Taslamanyň kesgitlenen býujeti 6 milliard dollardy.

Egrem-bugram binalaryň renderleri Marvel komikslerindäki hyýaly Wakanda bilen baglanyşygy ýatladýardy. Taslamanyň 2023-nji ýyla çenli tamamlanmagy meýilleşdirilen birinji tapgyrynda hassahananyň, söwda merkeziniň, mekdebiň, polisiýa merkeziniň, galyndylary gaýtadan işleýän merkeziň we Gün elektrik stansiýasynyň gurluşygy bolmalydy. Şeýle-de bolsa, şu güne çenli diňe kabul ediş binasy guruldy (ol hem doly däl).
AKoin kriptowalýutasy hem kynçylyklar bilen ýüzbe-ýüz boldy, ýagny maýa goýujylara töleg tölemekde meseleler ýüze çykdy we Senegalda ony ulanyp boljagy gümanady. Resmi walýuta Merkezi bank tarapyndan dolandyrylýan KFA franky bolmagynda galýar.
2021-nji ýylda Akon Ugandada şuňa meňzeş taslamany yglan etdi, ýöne ol ýerde hiç hili işjeň gurluşyk işi başlanmady. 2025-nji ýylyň maý aýynda bu taslamanyň “pyşdyl tizliginde” gyrmyldaýandygyny we onuň 15 ýyla çekip biljekdigini gürrüň berdi.

düýn 19:08
1.6k+

“Anna güni, 13-i” horrory boýunça täze film, serial we wideo oýny çykarylar

Meşhur “Anna güni, 13-i” (Пятница, 13-е) horror-franşizasy doly metražly film görnüşinde dowamyna we täze wideo oýnuna eýe bolar. Bu barada Horror Inc. kompaniýasynyň wise-prezidenti Robbi Barsamian San-Diegodaky Comic-Con konwentinde habar berdi diýip, Bloody Disgusting belleýär...

düýn 18:51
6.5k+

Moskwada 85-nji gaty seýilgähli ýaşaýyş diňi gurlar

“Moskwa-Sitide” One Tower ady bilen ýaşaýyş diňini gurmak meýilleşdirilýär. Ozal bu işewürlik merkeziniň binalarynda öýler däl-de, diňe wagtlaýyn galmak üçin otaglar ýerleşýärdi. Binanyň beýikligi 379 metr bolar...

düýn 18:49
2.3k+

Tim Býorton we Ledi Gaga täze gizlin taslamanyň üstünde işleýär

Tim Býorton “Uensdeý” düşürilenden soň ýene bir taslamanyň üstünde Ledi Gaga bilen hyzmatdaşlygy dowam etdirýändigini habar berdi. Bu barada NME neşiri ýazýar. Giffonidäki kinofestiwalda režissýor “Uensdeýiň” ikinji möwsüminiň ilkinji dört bölümi görkezilmezden ozal tomaşaçylaryň soraglaryna jogap berdi...

düýn 18:02
3.8k+

Türkmenistanda çagalar baglarynyň şepagat uýalarynyň we aşpezleriniň arasynda bäsleşigiň netijeleri yglan edildi

24-25-nji iýulda Aşgabat şäherindäki 127-nji ýöriteleşdirilen çagalar bagynda mekdebe çenli çagalar edaralarynyň şepagat uýalarynyň we aşpezleriniň gatnaşmaklarynda geçirilýän «Körpe nesliň saglygy – ýurdumyzyň baýlygy», «Bereketli türkmen saçagy» atly bäsleşikleriň jemleýji döwlet derejesindäki tapgyry geçirildi...