OpenAI kompaniýasy ChatGPT Edu atly täze ösüşini hödürledi. GPT-4o modeline esaslanyp döredilen bu neýroset ýörite ylym-bilim ulgamynyň zerurlyklary üçin niýetlenendir.
Täze neýrosetiň ylym-bilim mazmunly tekstlere düşünişi, kodlaşdyrma we matematiki endikleri gowulandyryldy.
ChatGPT Edu okuwçylara we mugallymlara tapylgysyz kömekçi boljak birnäçe aýratynlyga eýedir. Neýroset şu aşakdaky işleri edip bilýär:
Mugallymyň ornuny tutýar: materialy özleşdirmäge kömek edýär, sowallara jogap berýär, düşündiriş berýär.
Ylmy işlerde: düzme, diplom işini, grant üçin arza ýazmaga kömek edýär, şeýle hem maglumatlaryň derňewini geçirýär, dürli çeşmelerden alnan maglumatlary umumylaşdyrýar.
Okuwçylaryň ýerine ýetiren işlerine çalt we takyk baha berýär.
Täze modelleri döretmäge ýardam berýär: Talyplar we mugallymlar öz GPT modellerini döredip, biri-biri bilen paýlaşyp bilerler.
ChatGPT Edu 50 dili goldaýar we her haýyş boýunça nyşanlaryň giň çägine eýedir, bu bolsa uly göwrümli tekstleriň, mysal üçin kitaplaryň üstünde işlemäge mümkinçilik berýär.
Işläp düzüjiler ulanyjylaryň maglumatlarynyň ygtybarly goralan we gizlin bolmagyna aýratyn üns berdiler. ChatGPT Edu ulanyjylaryň beren maglumatlarynyň esasynda taýýarlanmaýar, bu bolsa olaryň maglumatlarynyň goraglylygyny kepillendirýär.
ChatGPT Edu-a giriş okuw edaralary üçin mugt. Girmek üçin OpenAI web sahypasynda arza tabşyrmaly.
