Astronawtlar Ýe Guanfu we Li Guansu 8,5 sagat dowam eden açyk kosmosa çykyşy amala aşyrdylar. Bu hem Hytaý üçin rekord görkeziji boldy diýip, IXBT habar berýär.
28-nji maýda açyk kosmosa çykyş 2024-nji ýylyň aprel aýynda badalga alan “Şençžou-18” missiýasynyň bir bölegi boldy. Missiýanyň maksady ylmy tejribeleri geçirmekden we täze tehnologiýalary synap görmekden ybarat.
Açyk kosmosa çykyş wagtynda Ýe we Li kosmos zibilinden gorag enjamyny gurnadylar hem-de “Týangun” kosmos stansiýasynyň daşky tarapynda ýerleşýän enjamlary we ulgamlary barladylar.
Kosmos zibili Hytaýyň kosmos programmasy üçin eýýäm uly meselä öwrüldi. Ýakynda “Týangun” stansiýasy döwük galyndylar sebäpli Gün batareýasyna zeper ýetenden soň az-kem toksuzlandyryldy.
Açyk kosmosa çykyş Li Guansu üçin birinji, Ýe Guanfu üçin bolsa ikinji boldy. “Şençžou-18” ekipažynyň üçünji agzasy stansiýanyň içinde galyp, astronawtlaryň açyk kosmosdaky hereketlerine gözegçilik etdi.
Häzire çenli hytaýly kosmonawtlar açyk kosmosa eýýäm 16 çykyşy amala aşyrdylar. Kosmos gämisinden daşary çykan ilkinji hytaýly astronawt 2008-nji ýylda Çžaý Çžigan boldy.
