24-nji iýunda, Olimpiýa oýunlarynyň başlanmagyndan iki gün öň, Samsung Galaxy Unpacked çäresi geçiriler. Munda kompaniýa täze Galaxy Watch X flagman "akylly" sagadyny hödürlär diýip, IXBT Techmaniacs-a salgylanyp, ýazýar.
Kompaniýa Olimpiýa oýunlarynyň hemaýatkäri bolup täze enjamlary tanatmak üçin bu mümkinçiligi işjeň ulanar.
Sagadyň premium dizaýnynyň, suw geçirmezlik we daýwing funksiýalarynyň bolmagyna, şeýle hem awtonomlylygynyň 100 sagada çenli ýokarlanmagyna garaşylýar.
Maglumatlara görä, Galaxy Watch X-iň bahasy öňki modellerden ep-esli ýokary bolar.
Täze önüm eýýäm Apple Watch Ultra-nyň esasy bäsdeşi diýlip atlandyrylýar.
Sagatdan başga-da, Unpacked diňe käbir Ýewropa ýurtlarynda elýeterli bolup biljek täze Samsung ýüzügini hödürläp biler.
