Ýaponiýanyň Toyota Motor Corp. awtoöndürijisi Hytaýda we Ýaponiýada islegiň pese gaçmagy sebäpli aprel aýynda global satuwyny azaltdy. Bu barada kompaniýanyň metbugat relizine salgylanyp, Interfax ýazýar.
Şeýlelikde, aprel aýynda global satuw 4,5% azalyp, 835,788 müň awtomobil boldy. Daihatsu Motor Co. we Hino Motors Ltd. golçur kompaniýalaryny hem hasaba almak bilen, önümçilik 8,8% - 816,601 müň awtomobile çenli azaldy.
Hytaýda satuw 27%, Ýaponiýada 14% pese gaçdy. Muňa garamazdan, Ýewropada satylan awtoulaglaryň sany 20%, Demirgazyk Amerikada 16% ýokarlandy.
Ýatlap geçsek, 31-nji martda tamamlanan 2024-nji maliýe ýylynda kompaniýa 10 mln 309,457 müň awtomobil satdy, bu geçen ýylyň görkezijisinden 7,3% ýokarydyr. Awtoöndürijiniň ýyllyk satuwy ilkinji gezek 10 mln awtoulagdan geçdi.
Toyota-nyň paýnamalary penşenbe güni 1,8% arzanlady. Ýylyň başyndan bäri kompaniýanyň kapitallaşdyrmasy 28,6% ýokarlandy.
