Netflix onlaýn kinoteatry Minecraft oýnunyň ekranlaşdyrylmasyny anons etdi. Bu doly derejeli multserial bolar, ýöne onuň çykjak senesi heniz belli däl. Serwis taslamanyň ilkinji tizerini hem paýlaşdy diýip, “Çempionat” ýazýar.
Animasion serialyň önümçiligine Sonic Prime, Ninjago multseriallary bilen belli bolan WildBrain Studios studiýasy jogap berer. Awtorlar Sandbox žanryndaky oýnuň atmosferasyny saklamagy wada berýärler, şol bir wagtyň özünde multserialda täze gahrymanlar peýda bolup, Minecraft başgaça görnüşde görkeziler.
Netflix-iň ekranlaşdyrmasyndan başga-da, bu kult oýny esasynda doly metražly film-de çykar. Onuň premýerasy 2025-nji ýylyň 4-nji aprelinde bolar, baş keşpleri Jeýson Momoa, Jek Blek, Emma Maýers we beýleki aktýorlar ýerine ýetirer.
