Emeli aňly "akylly" gulaklyklar şowhunly märekede diňe bir adamy eşitmäge mümkinçilik berer

  • 31.05.2024 13:48
  • 5k+

Waşington uniwersitetiniň topary daşarky sesleri filtirläp, kesgitli bir adamyň sesini güýçlendirip bilýän emeli aň ulgamyny hödürledi diýip, EurekAlert ýazýar.

“Maksatly eşidiş ulgamy” mikrofonlar we bortdaky kompýuter bilen enjamlaşdyrylan gulaklyklarda işleýär. Ulanyjy diňe bir düwmä basyp we gürrüňdeşine birnäçe sekuntlap seredip, gerekli gepleýjini “hasaba alyp” biler. Ulgam belli bir adamyň sesini ýadyna salýar we beýleki sesleriň hemmesini kesýär, ol hereket wagtynda şowhunly ýerlerde-de aýdyň eşitmäge mümkinçilik berýär.
Synagyň dowamynda 21 gatnaşyjy gulak salynýan gepleýjiniň sesiniň hiliniň ep-esli gowulaşandygyny tassyklady.
Häzirki wagtda ulgam diňe bir gepleýji bilen çäklenýär we şol bir ugurdan gelýän birnäçe sesi dolandyryp bilmeýär. Indi alymlar bu ulgamy dürli gulaklyklara we eşidiş enjamlaryna aňsatlyk bilen birikdirmek üçin aýratynlyklaryny giňeltmegi meýilleşdirýärler.


düýn 14:32
4.3k+

Plastik galyndylardan parasetamol öndürmegiň usuly tapyldy

Edinburg uniwersitetinden professor Stiwen Uollesiň ýolbaşçylygyndaky alymlar topary plastik galyndylarynyň derman öndürmek üçin ulanylyp bilinjekdigini kesgitlediler. Bu barada Nature žurnalyndaky barlaga salgylanýan The Guardian ýazýar...

25.06.2025 10:59
3.8k+

Mask Grokuň täze wersiýasynyň “adamzadyň ähli bilimlerine” eýe boljakdygyny aýtdy

Ilon Mask Grok emeli aňynyň täze wersiýasynyň “adamzadyň ähli bilimlerini” özüne almalydygyny aýtdy. Ol bu barada X sosial ulgamynda ýazdy we öz AI-siniň öwrenmek üçin başga başlangyç maglumatlara esaslanýandygy sebäpli bäsdeşleriniň çözgütlerinden tapawutlanjakdygyny belläp geçdi...

25.06.2025 10:13
3.2k+

Russiýada emeli aňyň döreden mazmunlaryny tapawutlandyrmaga kömek etjek tehnologiýa döredildi

Russiýanyň Ylymlar akademiýasynyň Ulgam programmirleme instituty emeli aňyň kömegi bilen döredilen mazmuny awtomatiki bilgilemäge ukyply ulgamy döretdi diýip, RIA Nowosti habar berýär. Tehnologiýa, adamlar üçin görünmeýän, ýöne kompýuterler tarapyndan aňsat tanalýan sanly bellikleri ulanýar...

24.06.2025 13:32
2.4k+

Aýnadan çap etmek üçin ilkinji 3D printeri döredildi

Massaçusets Tehnologiýa institutynyň Linkoln barlaghanasynyň barlagçylary aýna zatlary öndürmäge ukyply ilkinji 3D printeri çykardylar. Şu wagta çenli additiw önümçilik şokolad we plastmassa ýaly dürli materiallary öz içine alypdy, ýöne organiki däl aýna bu tehnologiýanyň çäginden daşarda galyp gelýärdi...