Meşhur britaniýaly režissýor Gaý Riçi ýaş Şerlok Holms barada Endi Leýn tarapyndan ýazylan romanlaryň ekranlaşdyrylmagyna girişer. Bu barada Variety habar berýär.
Baş keşbi tomaşaçylara “Jentlmenlik däl işleriň ministrligi” (Министерство неджентльменских дел) filmi we “Soň” (После) melodramasy arkaly belli bolan Hiro Faýns Tiffin ýerine ýetirer. Taslamanyň sýužeti barada giňişleýin maglumatlar, aktýorlar düzümi, premýerasynyň senesi we beýleki jikme-jiklikler heniz belli däl.
Häzirki wagtda Riçi ýene dört taslama bilen meşgul: doly metražly “Baky juwanlygyň çeşmesi” (Источник вечной молодости), “Çal reňkde” (В сером), “Aýal we it” (Жена и собака) kartinalary, şeýle-de “Reý Donowanyň” spin-offy.
Baş keşbi Benedikt Kamberbetçiň ýerine ýetirmegindäki “Şerlok” serialy 2010-njy ýyldan 2017-nji ýyl aralygynda ýaýlyma berildi we dört möwsüm alyp, uly meşhurlyk gazandy.
