Hytaýyň AGM kompaniýasy dünýäde iň berk smartfonlaryň biri hökmünde AGM X6 smartfonyny hödürledi, diýip Hi-Tech ýazýar.
Täze önümiň esasy aýratynlygy, dürli täsirlere aşa çydamlylygydyr. Smartfon IP69 standarty boýunça kepillendirilendir, bu bolsa onuň tozany we suwy hiç hili geçirmeýändigini aňladýar. Mundan başga-da, AGM X6 gazanda bir minut gaýnap bilýär.
Smartfon 60 metre çenli belentlikden ýere gaçmakdan we aşa temperaturadan (-20 ° C-den + 80 ° C çenli) gorkmaýar. Enjama gury buz guýulsa ýa-da bir minut oda taşlansa-da işleýär.
Şeýle-de bolsa, öndürijilik nukdaýnazaryndan smartfon aýratyn täsirli däl. AGM X6 UniSoC T750 prosessory, 8 Gb operatiw ýady we 256 GB içerki ýady bilen enjamlaşdyrylandyr. Beýleki aýratynlyklary:
- Ekran: 6,78 dýuým, IPS, 2460x1080 piksel, 60 Gs;
- Batareýa: 5000 mAs, 18 Wt zarýad;
- Kameralar: esasy 50 Mp, gije 20 Mp, öň 16 Mp;
- OS: Android 13;
- beýlekiler: barmak yz skaneri, 5G, stereodinamikler, 3,5 mm port, Bluetooth 5, Wi-Fi 5, iki SIM karta we bir mikro SD kart üçin ýer.
Hytaýda satuw eýýäm başlandy. AGM X6-nyň bahasy 2799 ýuan (takmynan 393 dollar). Şeýle hem, AGM X6 Zero atly çäkli neşir görnüşi bar, ol aýna arka gapagy bilen tapawutlanýar. Bahasy 3,199 ýuan (450 dollar).
