Newrobiologiýa we biomedisina ýöriteleşen amerikaly BrainBridge adam kellesini donoryň bedenine geçirip bilýän enjamyň konseptini hödürledi diýip, New Atlas ýazýar.
Operasiýa birnäçe robot gollary dolandyrjak emeli aňyň algoritmleriniň kömegi bilen amala aşyrylar. Olar kelläni aýrarlar we ony täze göwrä geçirerler, şeýle hem oňurga ýiligini, nerwleri we gan damarlaryny birikdirerler. Üzülen neýronlary gaýtadan birikdirmek üçin patentlenen himiki ýelim we polietilen glikol ulanylar.
Işläp düzüjileriň pikirine görä, bu tehnologiýa esasan agyr maýyplar üçin niýetlenendir. Ol rakyň dördünji derejesi, ysmaz we newrodegeneratiw keseller, şol sanda Alsgeýmer we Parkinson keseli ýaly, bejerip bolmaýan kesellerden ejir çekýän adamlary halas etmekde wajyp bolar.
Başlangyç adam kellesini transplantasiýa ediş ulgamynyň ýakyn sekiz ýylda döredilip bilinjekdigini habar berdi.
BrainBridge kompaniýasy molekulýar biolog we ylmy ýaýradyjy Haşem Al-Gaýli tarapyndan esaslandyryldy. Başlangyç kelle we beden transplantasiýalaryna geçmezden ozal, işini oňurga ýiliginiň operasiýalaryndan başlajakdygyny aýtdy.
BrainBridge ideýasynyň ösüşiň konseptual tapgyrynda durýandygyny bellemelidiris. Amalyň wideo görkezilişini Naked Science web sahypasynda görüp bilersiňiz.
