Awstraliýada iň uly Vivid Sydney yşyk festiwaly geçýär

  • 28.05.2024 23:48
  • 5.9k+

Awstraliýanyň iň uly şäheri bolan Sidneýde Vivid Sydney (“Ýagty Sidneý”) atly yşyk, aýdym-saz we pikirler festiwaly açyldy. Bu çäre her ýyl maý aýynyň ahyrynda geçirilýär diýip, The Sydney Morning Herald habar berýär.

 

Festiwal şäheri yşyk bilen çekilen kartinalaryň kendirine öwürýän döredijiligiň we innowasiýalaryň baýramy diýlip atlandyrylýar.
Binalara, köprülere we gämi duralgasynyň suw giňişliklerine gönükdirilen animasiýa yşyk enjamlary gülleriň, haýwanlaryň, erteki gahrymanlarynyň täsin şekillerini  we ýönekeý adamlaryň durmuşyndan ajaýyp “kartinalary” döredýär. Artistler, jadygöýler we köçe naharynyň aşpezleri açyk meýdanlarda we ýörite sahnalarda çykyş edýärler.

 

 

Şäheriň esasy özüne çekiji ýeri - portuň ugrunda ýerleşýän Sidneý opera teatry hereket edýän sungat eserine öwrülýär.
Festiwalyň esasy wakalarynyň biri meşhur suratkeşleriň tagallasy bilen haýran galdyryjy hyýaly dünýä öwrülýän Sidneýiň Şa botanika bagynda hem ýaýbaňlanar.
Bu ýylky Vivid Sydney festiwaly 17-nji iýuna çenli, ýagny üç hepde dowam eder.


04.08.2025 16:59
8.8k+

Awstraliýadaky maýagyň diwarynda 120 ýyldan gowrak ozal gizlenen hat tapyldy

Tasmaniýanyň günortasyndaky taryhy Keýp-Bruni maýagynda 120 ýyldan gowrak ýaşy bolan içi hatly aýna çüýşe tapyldy. Bu barada The Guardian habar berýär. Tapyndyny hudožnik we reňkleýji Braýan Berford kenarýaka desgasynyň adaty tehniki hyzmaty wagtynda ýüze çykardy...

04.08.2025 14:32
8.9k+

Awstraliýa 40 ýylyň içinde iň köp gar ýagdy

Awstraliýa soňky kyrk ýylyň içinde iň güýçli gar ýagdy. Täze Günorta Uels ştatynyň demirgazyk etraplaryna 40 santimetre çenli gar düşdi, bu 1980-nji ýyllaryň ortalaryndan bäri iň köp ygal boldy. Gar Armideýl we Gaýra şäherlerine ýagdy...

03.08.2025 17:37
12k+

Awstraliýada ýurtda iň uly we iň agyr mör-möjek ýüze çykaryldy

Kwinslend tropiklerinde, Aterton belentliginde Awstraliýanyň çäginde belli bolan mör-möjekleriň iň uly we iň agyr görnüşi ýüze çykaryldy. The Guardian neşiriniň habar bermegine görä, taýajyk görnüşlileriň täze görnüşine Acrophylla alta ady berildi...

23.05.2025 10:31
7.9k+

Britaniýaly ejesiniň hatyrasyna tutuş Awstraliýany ylgap, rak bilen göreşmek üçin serişde ýygnady

Britaniýaly ultra-marafonçy Uilýam Guj 3800 km töweregi ylgap, 35 günde tutuş Awstraliýany geçdi. Ol ylgawa 15-nji aprelde Kotteslou kenaryndan başlap, ony 19-njy maýda garşy kenarda, Bondi kenarynda tamamlady...