Stefano Pioli Italiýanyň “Milan” futbol klubunyň baş tälimçisi wezipesinden gitdi. Bu barada toparyň resmi saýtyna salgylanyp, RIA Nowosti ýazýar.
KHBS-iň maglumatlaryna görä, toparyň täze tälimçisi wezipesine portugaliýaly Paulu Fonseka bellener, Pioli bolsa indiki möwsümden “Napolä” ýolbaşçylyk edip biler.
“Milan” Stefano Piolä we onuň işgärlerine soňky bäş ýylda topara ýolbaşçylyk edendigi, liganyň ýatdan çykmajak çempion titulyny gazanandygy we “Milanyň” öňdebaryjy Ýewropa ýaryşlaryna durnukly gatnaşygyny dikeldendigi üçin çyn ýürekden minnetdarlyk bildirýär. Stefanonyň ussatlygy we adamkärçiligi ilkinji gününden klubuň esasy gymmatlyklaryny beýan edip, toparyň ösüşine uly goşant goşdy” – diýlip, habarda aýdylýar.
Pioli 58 ýaşynda, ol “Milana” 2019-njy ýylda ýolbaşçy boldy. Öň, Italiýanyň “Fiorentina”, “Inter”, “Lasio”, “Parma”, “Sassuolo” ýaly toparlary bilen işleşdi.
