A24 studiýasy Demirgazyk Amerikada “Robin Guduň ölümi”-ni görkezmek hukugyna eýe boldy. Filmde baş keşbi ýyldyz Hýu Jekman ýerine ýetirer diýip, Deadline ýazýar.
Filmiň sýužeti meşhur garakçy - halk rowaýatlarynyň gahrymany Robin Guduň başdan geçiren wakalaryna bagyşlanýar. Ol ölüm howply ýaralanýar. Gud syrly bir aýalyň gözegçiliginde bolýarka eden ähli ganhorluklaryny ýada salýar. Film adybir iňlis balladasyna esaslanýar.
Şeýle-de, taslamada “How enäni öldürmek bilen” (“Убивая Еву”) teleserialyndaky keşbi bilen tanalýan Jodi Komer oýnar. Režissýory we ssenariçisi Maýkl Sarnoski bolar (“Doňuz”, “Ümsüm ýer: Birinji gün”).
Şeýle-de, Jekman prodýusseriň wezipelerini hem öz üstüne alar.
Film 2025-nji ýylyň fewral aýynda surata düşürilip başlanar. Ilkinji görkeziljek senesi entek yglan edilmedi.
Robin Gud hakyndaky soňky filmleriň biri 2010-njy ýylda Ridli Skottuň Rassel Krou bilen bilelikde düşüren filmidir.
