24-nji maýda Täjigistanyň Premýer-ministri Kohir Rasulzoda Aşgabada iş saparynyň çäginde Türkmenistanyň Prezidenti Serdar Berdimuhamedow bilen duşuşdy.
Duşuşygyň dowamynda Täjigistanyň Premýer ministri Türkmenistanyň Prezidentine Täjigistan Respublikasynyň Prezidenti Emomali Rahmonanyň mähirli salamyny ýetirdi.
Taraplar syýasy, söwda-ykdysady, medeni-ynsanperwer we beýleki ugurlarda ikitaraplaýyn hyzmatdaşlygyň köp sanly meseleleri boýunça pikir alyşdylar.
Taraplar söwda we ykdysady gatnaşyklaryny mundan beýläk-de ösdürmek we durnukly ösüşi saklamak babatda maslahatlaşdylar. Şunuň bilen baglylykda, söwda-ykdysady we ylmy-tehniki hyzmatdaşlyk boýunça hökümetara toparynyň aýratyn orny nygtaldy.
Taraplar Täjigistanyň we Türkmenistanyň arasyndaky ynamyň ýokary derejesini we hyzmatdaşlygyň uly mümkinçiliklerini belläp, gyzyklanma döredýän ähli ugurlarda ikitaraplaýyn gatnaşyklaryň mundan beýläk-de ösdürilmegini goldadylar.
