Agşamky türgenleşikler gipertoniýaly adamlar üçin irdenkilerden has täsirli bolup çykdy

  • 23.05.2024 14:27
  • 6.3k+

Braziliýanyň San Paulo uniwersitetiniň we ABŞ-nyň Oregon uniwersitetiniň alymlary gözleg geçirip, pyýada ýöremek, ylgamak, tans ýa-da welosiped sürmek ýaly aerobiki türgenleşikler bilen diňe agşam meşgullanylanda, gan basyşyna oňyn täsir edýändigini anykladylar. Bu barada, The Journal of Physiology žunalynda çap edilen makalada aýdylýar.

Eksperimende 60 ýaşdan uly bolan, gipertoniýaly 23 näsag gatnaşdy. Olar hepdede üç gezek, welotrenažorda ortaça intensiwlikde 45 minut maşk etdiler.
Netijeler, agşam maşk edenleriň sistolik we diastolik gan basyşynyň, ýürek urşunyň, şeýle hem gan basyşyny kadalaşdyryjy esasy mehanizmleriň biri bolan, barorefleks duýgurlygy ýaly ýürek-damar gökezijileriniň gowulaşandygyny görkezdi.
Irden maşk eden toparyň diňe diastolik gan basyşy gowulaşdy.

"Agşamky maşklar, ýürek-damar ulgamynyň wegetatiw kadalaşdyrylmagyny gowulandyrmakda we gan basyşyny peseltmekde has täsirli boldy"-diýip eksperimendiň awtorlary düşündirdi.

Olaryň pikiriçe, bu bedeniň agşam fiziki işjeňlige has gowy jogap bermegi bilen baglanyşyklydyr.
Gözlegiň netijeleri, bedenleri gipertoniýanyň derman bejergisine jogap bermeýän adamlar üçin peýdaly bolup biler.


düýn 14:27
3.2k+

Süýji keseline we semizlige garşy ýokary täsirli dermanlaryň täze synpy - “madda-15” döredildi

Awstraliýanyň we Ýewropanyň molekulýar biologlary süýji keseline we semizlige garşy, ganda glýukozanyň derejesini peseldýän we iýmit siňdiriş bilen bagly meseleleri ýa-da etiňi ýitirmek ýaly zyýanly täsirleri bolmazdan agramy azaldýan dermanlar toparyny döretdiler...

24.06.2025 10:30
6.6k+

Gwadelupaly zenanda ganyň täze topary ýüze çykaryldy

Gwadelupanyň ýaşaýjysy "Gwada negatiw" (Gwada negative) adyny alan täze gan toparly dünýäde ilkinji adam boldy. Bu barada Fransiýanyň Gan edarasynyň (EFS) hünärmenleri habar berdiler diýip, Medical Xpress ýazýar...

23.06.2025 12:41
1.9k+

Birnäçe ýurtda “kitaplar bilen bejergi” – biblioterapiýa giňden ýaýrap başlady

Beýik Britaniýada we başga-da birnäçe ýurtda biblioterapiýa – çeper eser okamak arkaly adamyň psihiki ýagdaýyny gowulandyrmak usuly giň gerime eýe bolýar. Bu barada Bi-bi-si ýazýar. Biblioterapiýa psihika oňyn täsir edip biljek kitaplary saýlamagy göz öňünde tutýar...

22.06.2025 19:28
7.3k+

Ispaniýada saç ekilmeginiň ornuny tutup biljek derman döretdiler

Ispaniýaly barlagçylar androgenetik alopesiýaly (erkek adamlaryň saçynyň dökülmegi bilen deň) laboratoriýa syçanlarynda tüý örtüginiň doly dikeldilmegini gazandylar. Bu üstünlik saç dökülmegine garşy täze dermanlar üçin esas bolup biler diýip, New-York Post ýazýar...