Huawei kompaniýasy Hytaýyň smartfon bazarynda öz ornuna çalt depginde gaýdyp gelýär. Täze maglumatlar munuň planşet bazarynda-da şeýledigini görkezdi.
IDC kompaniýasynyň maglumatlaryna görä, şu ýylyň birinji çärýeginde Huawei Apple-den öňe geçip, Hytaýyň planşet bazarynda birinji orny eýeledi.
Eger bir ýyl ozal Huawei bazaryň 25,7%-ini we ikinji orny eýelän bolsa, häzir ol 36,6% bilen birinji orunda ýerleşdi. Apple-iň paýy 34,9%-den 24,4%-e çenli azaldy. Ýagny, Apple Huawei-niň artdyran paýy bilen deňeçer paýy ýitirdi diýseň hem bolar.
Bazaryň beýleki liderleriniň orny üýtgemedi: üçünji orny Xiaomi, dördünji orny Honor, bäşinji orny bolsa Lenovo eýeleýär.
