FX teleýaýlymy "Sýogun" taryhy serialynyň ikinji we üçünji möwsüme çenli uzaldylandygyny habar berdi. Täze epizodlaryň ssenariýeleriniň üstünde eýýäm şu tomusdan işlenilip başlanar diýip, Deadline ýazýar.
Taslamanyň esasy hereketlendirijileri bolup, öňküsi ýaly, Reýçel Kondo we Jastin Marks galar, lord Ýosi Toranaganyň baş keşbini ýene-de Hiroýuki Sanada janlandyrar.
Serialyň dowamynyň sýujet jikme-jiklikleri heniz aňladylmaýar. Serialyň dowamynda ssenariýeçiler Jeýms Klawelliň romanynyň originalynyň çäklerinden çykmaly bolarlar, çünki roman birinji möwsümde dolulygyna ekranlaşdyryldy.
"Sýogun" serialynyň ilkinji görkezilişi 2024-nji ýylyň 27-nji fewralynda Hulu platformasynda we FX teleýaýlymynda goýberildi. Serial soňky ýyllarda dünýäniň iň esasy şüweleňleriniň biri bolmagy başardy. Serialda iňlis kapitany Jon Blektornyň taryhy gürrüň berilýär. Ol taýpa-tire dawalarynyň gaýnap joşan wagtyna - XVII asyr Ýaponiýa düşýär.
