Eýýäm köpden bäri ukynyň beýnimizdäki toksinleri arassalamakda möhüm rol oýnaýandygyna ynanylýar. Şeýle-de bolsa, Londonyň Imperial kollejiniň alymlary tarapyndan geçirilen täze barlag bu teoriýa şübhe döredýär diýip berlen materialda aýdylýar.
“Nature Neuroscience” žurnalynda çap edilen makalada, syçanlaryň beýnilerindäki suwuklygyň hereketini yzarlamak üçin, olara flouressent boýagynyň goýberilendigi aýdylýar. Netijeler uky wagtynda suwuklygyň hereketiniň 30% haýallandygyny görkezdi. Anestizirlenen syçanlarda, haýallama has hem ýokarydy - 50%.
Şuňa meňzeş hadysalar adamlarda hem bolup biler - uky beýniniň detoksikasiýasynda, öň pikir edişimizden hem, az ähmiýetli rol oýnap biler. Munuň tersine, işjeňlik we maşklar beýnimizdäki toksinleri arassalamagyň has täsirli usullary bolup biljekdikleri, ýüze çykaryldy.
Bu netijeler, demensiýa babatdaky barlaglarda, möhüm ähmiýete eýedir. Kadasyz ukyny Alsgeýmer keseliniň ösüş howpy bilen baglanyşdyrýan subutnamalar barha atýar. Kadasyz uky keseliň sebäbi, ýa-da tersine, onuň irki alamaty diýip, entek anyk aýtmak mümkin däl.
