“Altyn topuň” bäş gezek eýesi Kriştianu Ronaldu ABŞ-nyň Prezidenti Donald Trampa şahsy ýüzlenmesi bilen goly goýlan Portugaliýanyň milli ýygyndysynyň köýnekçesini berdi.
Sowgat Kanadada geçirilen G7 sammiti wagtynda Ýewropa geňeşiniň başlygy Antoniu Koşta tarapyndan gowşuryldy. Ol bu pursatdan suraty X sosial ulgamyndaky akkauntynda ýerleşdirdi.
Köýnekçede, awtografdan başga-da, Ronaldu “Prezident Trampa. Parahatçylyk ugrunda oýnaýarys” diýip ýazdy.
2023-nji ýyldan bäri 40 ýaşly Ronaldu “Al-Nasr” saud klubunda çykyş edýär. Portugaliýanyň milli ýygyndysynyň kapitany hökmünde Ronaldu Ýewro-2016-da we UEFA-nyň Milletler ligasynda iki gezek (2019-njy we 2025-nji ýyllar) ýeňiji boldy.
