ABŞ-nyň Sungat boýunça komissiýasy Waşingtonda beýikligi 76,2 metre barabar bolan hormat derwezesiniň (triumfal arka) taslamasyny tassyklady. Ol dünýäde şeýle görnüşli iň uly gurluş bolar.
Taslamany ozal ABŞ-nyň Prezidenti Donald Tramp hödürläpdi. Derwezäni Linkolnyň ýadygärligi bilen Arlinton milli gonamçylygynyň arasynda ýerleşdirmek meýilleşdirilýär. Gurluşyk meýdançasynda eýýäm ilkinji geodeziki barlaglar we synaglar başlady.
Taslama meýilnamasyna görä, derwezäniň bezeg elementleri, ýagny ýolbarslar, bürgütler we ýazgylar altyn reňkde bolar. Gurluşygyň öň ýüzünde «Hudaýyň huzuryndaky bitewi millet», arka ýüzünde bolsa «Hemmeler üçin azatlyk we adalat bilen» diýen jümleleri ýerleşdirmek göz öňünde tutulýar. Bu setirleriň ikisi hem amerikan baýdagyna wepalylyk kasamyndan alnandyr.
Gurluşygyň beýikligi 250 fut bolar, bu bolsa şu ýyl bellenilýän ABŞ-nyň garaşsyzlygynyň yglan edilmeginiň 250 ýyllygy bilen baglanyşyklydyr.
Deňeşdirmek üçin, Pariždäki hormat derwezesiniň beýikligi 50 metr, häzirki wagtda şeýle görnüşli iň uly gurluş hasaplanýan Meksikadaky Rewolýusiýa ýadygärliginiň beýikligi bolsa 67 metrdir.
