Braziliýaly grafika dizaýneri Sisero Morais dünýäni ýene bir paleontologik rekonstruksiýasy bilen tanyşdyrdy. Bu gezek hünärmen Gadymy Müsüriň iň meşhur faraonlarynyň biri bolan Amenhotep III-niň ýüz keşbini döretdi.
Amenhotep III (b. e. öň 1400–1351-nji ýyllar) takmynan 3400 ýyl ozal Müsüri barha güýjän we gülläp ösen döwründe dolandyrypdyr. Onuň hökümdarlygy görlüp-eşidilmedik ykdysady üpjünçiligiň we gadymy Müsür siwilizasiýasynyň başlangyjy hasaplanýar. Ol faraon Ehnatonyň kakasy we kuwwatly Tutanhamonyň atasydyr.
Daily Mail-iň habaryna görä, Morais bilen bilelikde halkara alymlar topary, faraonyň mumiýasynyň kelle süňkünden alnan maglumatlary ulanyp, onuň hakyky ýüzüni döredip bildiler. Dikeldiş, Amenhotep III-niň daşky görnüşiniň heýkellerdäki şekillerden düýpgöter tapawutlanýandygyny görkezdi. Onuň, parahatçylykly dolandyryşyna laýyk gelýän asuda ýüzi bardy.
Hünärmenler, mumiýadan alnan suratlary we maglumatlary ulanyp, Amenhotep III-üň kellesini sanly görnüşde dikeldip başladylar. Soňra, Morais faraonyň burnunyň, gulaklarynyň, gözleriniň we dodaklarynyň ululygyny we ýagdaýyny kesgitlemek üçin, diri donorlaryň maglumatlaryny ulandy.
Morais, kompýuterde ýüzi täzeden dikeltmek boýunça tanalýan hünärmendir. Onuň, orta asyr astronomy Nikolaý Kopernigiň we wampir hasaplanýan aýalyň keşbini döredendigini, öň habar berdik. Şeýle-de bolsa, ol beýle gyzykly iş bilen meşgullanýan ýeke-täk adam däl. Ýaňy ýakynda, iňlis alymlary 75,000 ýyl mundan ozal ýaşan neandertal aýalyň ýüzüni täzeden dikeltdiler. Onuň keşbi, 200 kelle süňk böleklerinden dikeldildi.
