Microsoft kompaniýasy 2024-nji ýylyň iýul aýynda mobil oýunlar dükanyny işe girizer. Bu maglumatlary Xbox-yň prezidenti Sara Bond tassyklady diýip, Bloomberg habar berýär.
Google Play bilen App Store dükanlaryndan tapawutlylykda, Xbox Store web sahypasy hökmünde – Apple-iň we Google-yň üçünji tarap programmalaryndaky çäklendirmelerinden sowlup geçmäge mümkinçilik berýän brauzer arkaly elýeterli bolar.
Bond: "Biziň şeýle ýol bilen gitmegimiziň sebäbi, bu ýol ýapyk ekoulgam dükanlarynyň syýasatyna garamazdan, ähli enjamlarda, ähli ýurtlarda elýeterli ulgam döretmäge mümkinçilik berýär" diýdi.
Dükan işläp başlanda King's Candy Crush we Mojang's Minecraft ýaly, Microsoft studiýalaryndan oýunlar hödürlener. Geljekde dükan üçünji tarap döredijileriniň oýunlary üçin açyk bolar.
