Volkswagen kompaniýasy California kemperiniň täze neslini köpçülikleýin öndürmäge başlady diýip, auto.ru habar berýär.
T7 Multivan mikroawtobusynyň esasynda döredilen täze önüm iki sany süýşýän gapy, iki tarapa uzalyp gidýän tent we eýýäm esasy komplektasiýanyň içine girýän üçek çadyryny aldy.
Alyjylara California-nyň bäş gönüşi elýeter: Beach, Beach Tour, Beach Camper, Coast we Ocean. Komplektasiýasyna baglylykda kemper rakowinaly ýöriş aşhanasy, plita we ammar gutulary, 230 woltlyk rozetkalar, USB portlary we goşmaça akkumulýatorlar bilen enjamlaşdyrylan.
California-nyň salony 180 dereje aýlanýan öňdäki oturgyçlar we ýatalga öwrülýän yzky aýratyn oturgyçlar bilen enjamlaşdyrylandyr.
Täze California üç güýç gurluşly hödürlenýär: 204 at güýji benzinli, 150 at güýji dizelli we setden zarýad almak mümkinçiligi bolan 245 at güýji gibrid hereketlendirijili.
