Apple kompaniýasy sosial medialarda güýçli nägileliklere sebäp bolan täze iPad Pro planşetiniň reklama wideosy üçin ötünç sorady diýip, Deadline habar berýär.
Wideoda saz gurallary, fotoapparatlar we sungat esbaplary ýaly zatlary öz içine alýan predmetler gidrawliki pres tarapyndan ýok edilýär. Kompaniýanyň marketologlary ne pianino, ne gitara, ne kitaplara, ne köne oýunjak awtomadyna, ne-de winil plastinkalaryny oýnadýan enjama rehim edipdirler. Bu prosesiň ahyrynda presiň aşagyndaky platformada täze iPad Pro peýda bolýar. Wideo berlen sese görä, planşet mundan öň çykarylanlaryň “iň kuwwatlysy we iň inçesidir”.
Sungat hem döredijilik äleminiň wekilleriniň aglabasy bu reklamany göwne degiji (kemsidiji) diýip hasapladylar, çünki ol ýerde iPad Pro adaty sungatyň “ganhory” hökmünde görkezilýär. Hususan-da, meşhur britan aktýory Hýu Grant wideoda bolup geçýän zatlary “ynsan tejribesiniň ýok edilmegi” diýip atlandyrdy.
Apple hiç kimi kemsitmek niýetiniň ýokdugyny we reklamanyň maksadynyň bary-ýogy täze planşetiň mümkinçiliklerini görkezmekden ybaratdygyny düşündirdi. Kompaniýa wideonyň telewideniýede görkezilmeginiň ýatyrylandygyny habar berdi.
The Verge-iň belläp geçmegine görä, kompaniýa bu wideonyň üsti bilen öňki ýarasyna duz sepdi. 2018-nji ýylda Apple ulanyjylaryň oňaýsyz garaýyşlaryna sebäp bolan wideony çykardy. Ol wideoda planşetleriň we akylly telefonlaryň dünýäsinde ösen çaga: “Kompýuter näme?” diýen soragy berýär.
