Hose Raul Mulino Panamanyň Prezidentiniň şahadatnamasy gowşuryldy. Syýasatçy 5-nji maýda geçirilen prezident saýlawlarynda 34,23% ses alyp, ýeňiş gazandy diýip, La Prensa gazetine salgylanýan TASS ýazýar.
Ýakyn günlerde Mulino täze Ministrler Kabinetini döreder.
Mulino ozal Daşary işler, Jemgyýetçilik howpsuzlygy we Adalat ministrliklerine ýolbaşçylyk edip, uly iş tejribesine eýedir.
Saýlaw kampaniýasynyň öňýany ol işsizlik we jenaýatçylyk bilen bagly meseleleri çözmegi, suw üpjünçiligini we jemgyýetçilik ulaglaryny gowulandyrmagy, şol sanda Panamanyň paýtagtynda metro ulgamyny giňeltmegi wada berdi.
Türkmenistanyň 2015-nji ýylda Panama bilen diplomatik gatnaşyklaryny ýola goýandygyny bellemelidiris. Ýakynda Respublikanyň täze ilçisi Rolando Enrike Barrow Noada biziň ýurdumyza akkreditasiýa edildi. Diplomatik wekilligiň rezidensiýasy Moskwada ýerleşýär.
